منوعات

تامر حسني يحتفل بمرور 14 عاماً علي تأسيس “تامر فلورز”

هنأ المطرب المصري تامر حسني مؤخراً أحد المجموعات التي تضم المعجبين به وذلك بعد مرور ما يقرب من 14 عاماً علي تأسيسه ويعد هذا الجروب قد سانده ودعمه فى بداية مشواره الفنى، معربا عن فخره بهذه المجموعة وواصفهم بأنه أحبابه المخلصين المحرمين.

ومن جانبه هنأ تامر حسني زيادة العدد في جروب محبي تامر حسني وذلك من خلال منشور قام بنشره علي ستور صفحته الشخصية بموقع التواصل الاجتماعي الاسنتجرام حيث قال : “كل سنة وأنتوا حبايب قلبى المخلصين المحترمين، اللى مكملين من قلب وبالحب الصادق، فخور بيكم وأنا شايفكم بتكبروا قدامى من 14 سنة وأنا بكبر قدامكم بحبكم ودعمكم الصادق وكتير منكم بدأ يحقق أحلامه ويشتغل ويكافح ما شاء الله، بسبب الطاقات الجميلة الطيبة اللى بينا ربنا يقدركم وتفضلوا ايد واحدة وقلوب طاهرة جميلة بتحب الخير ليها ولكل الناس، كل سنة وانتوا حبايبى”.

جدير بالذكر أن مجموعة محبي تامر حسني من أشهر المجموعات المنتشره علي موقع التواصل الاجتماعي الفيس بوك، واحتفالاً بمرور 14 عاماً علي تأسيسه قام المسئولين بالجروب بوضع منشور خاص وجاء فيه الأتي: “النهاردة وبعد الساعه 12 .. بقالنا 14 سنه معاكم، عيد ميلاد تامر لفرز، الحكاية بدأت بشويه شباب حبوا تامر فعلا من قلبهم وأمنوا بموهبته فى وقت كان صعب على تامر جدا.. وقفنا فى ضهره واتعملنا حساب وخوفنا الكل ووقفنا فى وش أى صحافة صفرة أو حد يشوه صورة تامر.. وكنا صخرة بيتحطم قدامها أى اعداء لتامر ، واحده واحده الشويه دول بقى عددهم بيزيد ويزيد وحبهم بيزيد وبيطور بتطور نجمهم، وقتها تامر موجود معانا ومتابعنا ومبسوط بينا وفرحان بعيلته التانيه (تامر لفرز)، اسم تامر بيكبر واحنا فى ضهره من أول ما بدأ، عدى على الحكاية دى 14 سنه ولسه مخلصتش، فاكرين المنتدى واللمة والصحبة والتجمعات وحملات الخير، كل سنة واحنا بخير، 14 سنه بيكم ومعاكم”.

وعلي صعيد آخر يذكر أن آخر الأعمال الفنية للمطرب تامر حسني هي مشاركته في أوبريت غنائي مع الكينج محمد منير بعنوان “انت اقوي” وشاركهم في الغناء كلاً من الديفا سميرة سعيد، النجم صابر الرباعى، النجم وائل جسار، النجمة كارول سماحة، وهو من كلمات مدحت العدل وألحان عمرو مصطفى، توزيع نادر حمدى، إخراج الكليب لطارق العريان.

وتقول كلمات الأوبريت: كل يوم الشمس تطلع تملى بالنور الوجود.. كل لحظة خير يعدى فى القلوب ولا الورود.. هى نور الإنسانية اللى بتعدى الحدود.. أنت أقوى.. أنت أبقى.. سر أسرار الحياة.. مد إيدك فوق وصلى للمحبة والإله.. غنى للحب الكبير للأمل.. تحيا الحياة”.

السابق
راغب علامة يهاجم المسئولين في لبنان
التالي
اللبنانية هيفاء وهبي تبدي اعجابها بشخصية يسرا في “خيانة عهد”

اترك تعليقاً