فلوكس: اكتر حاجة بتضايقني في الجواز جملة “بنشترى راجل”

فلوكس: اكتر حاجة بتضايقني في الجواز جملة “بنشترى راجل”

قال النجم أحمد فلوكس، إنه يميل للهزار على السوشيال ميديا مع أصدقائه وجمهوره، ولذلك كتب على صفحته إنه يرغب في الارتباط بسيدة جميلة كانت زميلته بالمدرسة.

وقال فلوكس في لقائه على برنامج “شيخ الحارة”، الذي تقوم بتقديمه المخرجة إيناس الدغيدى، أكتر حاجة بتضايقنى في الجواز جملة “بنشترى راجل” فالجملة دى لو أتقالتلى هسيبها وامشي.. جملة صعبة جدا”.

وأستكمل فلوكس حديثه ردا على الأسئلة التي وجهتها له المخرجة إيناس الدغيدى، “أنا لن أدخل الفن عن طريق والدي بل بالعكس كان والدي يرفض أن أدخل مجال الفن، وأنا دارس إعلام قسم تصوير، وأبي كان يرغب أن اشتغل في مجال البيزنس، وبالفعل أنا الان فاتح شركة، لأن الفن ما بقاش هو اللي تربينا عليه، وأكبر دليل على حديثي، إني كنت بروح الجامعة بميكروباص، يعنى تعبت منذ البداية”.

وأما عن طلاقه من النجمه هنا شيحه قال فلوكس “ما كنتش عاوز أطلق النجمة هنا شيحة لأن هنا من الشخصيات الجميلة جدا ومن الناس اللي قابلتهم وما تتعوضش، وهي كانت بتحبنى جدا، وست بمليون راجل، ولكن أنا كراجل صعيدي وصعب حتى لو لم أعيش في الصعيد طول عمري، فأنا عصبي جدا، وفى ذات الوقت هنا ما يتفرطش فيها بسهولة بس هي اللي قامت بطلب الطلاق، وطبيعي اللي هتطلبه هنا هعملو لها لحد ما أموت”.

وإما عن الفيديو الذي كان فلوكس يقوم بمهاجمة الهارب معتز مطر ، قال فلوكس، “أنا عمري ما هدخل في حزب، لكن وقت هجومي على ذلك الشخص، أي بني أدم طبيعي هيقوم بمهاجمته، لأنه بيقول إدعاءات، وكان واجب علي أقول الكلام ده، أنا شوفت ضباط صف وعساكر كلهم ناس بتسيب بيوتهم وأولادهم وبيروحوا معسكراتهم، دي ناس بتبني، في الوقت اللي فيه ناس بتهد”.

اترك تعليقاً